რა სურთ კაცებს? (ის, რაც ყველა ქალმა უნდა იცოდეს)

როგორც წესი, ყოველთვის აქტუალურია თემა -„რა სურთ ქალებს“ და „როგორ გავუგოთ მათ“. ქალების ხასიათსა და სურვილებზე ყველა საუბრობს, მაგრამ ნუ დაგვავიწყდება, რომ ბუნებაში მდედრობითი სქესის გარდა, მამრობითიც არსებობს. მამაკაცებიც ადამიანები არიან და მათაც აქვთ საკუთარი სურვილები, მოთხოვნები და საიდუმლოებები, რომლის ცოდნაც ურიგო არ იქნებოდა ქალებისთვის, რომლებსაც სურთ მამაკაცების კარგად ესმოდეთ. მოდით, გავარკვიოთ რა სურთ კაცებს და როგორი უნდა იყოს იდეალური პარტნიორი მათი გადმოსახედიდან.

არ ღირს მისი ინტერნეტ-ნახვების ისტორიის თვალიერება

ქალები ნატურით ცნობისმოყვარეები არიან და უყვართ მამაკაცების გაკონტროლება. ფსიქოლოგები გვირჩევენ, რომ არ ღირს საყვარელი მამაკაცის შემოწმება, რადგან ის, რაც ქალებს ამორალური ჰგონიათ, მამაკაცებისთვის ნორმად ითვლება.

მეგობრები – ეს ყველა მამაკაცისთვის წმინდაა

მეგობრები გაცილებით ადრე იყვნენ თქვენი პარტნიორის ცხოვრებაში, ვიდრე თქვენ. რამდენად ძლიერადაც არ უნდა უყვარდეთ თქვენს მეგობარ მამაკაცს, ის ვერ ამოშლის თავისი ცხოვრებიდან საუკეთესო მეგობარს, რომელიც შეიძლება არ მოგწონდეთ. ნუ ეცდებით მათ შორის ჩადგომას და  ნუ აუკრძალავთ მეგობრებთან შეხვედრას.

ნუ ეცდებით მის შეცვლას

მსგავსი მცდელობები მხოლოდ გააფუჭებს თქვენს ურთიერთობას. გიყვარდეთ ისეთი, როგორიც არის. ან სხვა მოძებნეთ.

ნუ ინერვიულებთ, თუ მან სხვა ქალს მიაქცია ყურადღება

თუ თქვენ შეამჩნიეთ, რომ თქვენი მამაკაცი უჩუმრად სხვა ქალისკენ აპარებს მზერას, იგნორირება გაუკეთეთ. მამაკაცი ბუნებით პოლიგამია და ეს მას ინსტინქტში აქვს ჩადებული. რამდენიც არ უნდა იჩხუბოთ, ვერაფერს გახდებით.

დაივიწყეთ ძველი კონფლიქტები

ურთიერთობაში ვერ აცდებით კონფლიქტებს. ისწავლეთ ჩხუბის დროულად დამთავრება. ნუ გაუხსენებთ პარტნიორს ძველ წყენას. წინააღმდეგ შემთხვევაში, ის დაკარგავს ნდობას და საბოლოო ჯამში, თქვენ მას დაკარგავთ.

ნუ დაუსვამთ ისეთ შეკითხვებს, რომლებზეც არ გინდათ პასუხის მოსმენა

ბუნებრივია, რომ თქვენს მეორე ნახევარს, თქვენამდეც ჰქონდა თავისი ცხოვრება. თქვენ კი – თქვენი. მიიღეთ ის ისეთად, როგორიც მოცემულ მომენტშია და ზედმეტი კითხვებით ნუ მოაბეზრებთ თავს, რომლებზეც პასუხი არ მოგეწონებათ.

სამსახურიდან დაბრუნებულს მაშინვე ნუ გააბეზრებთ ლაპარაკით

დღის მანძილზე ალბათ დაგიგროვდათ ახალი ამბები და ერთი სული გაქვთ, როდის გაუზიარებთ მას საყვარელ მამაკაცს. მძიმე სამუშაო დღის შემდეგ დაბრუნებულს, სავარაუდოდ არ ექნება ახალი ამბების დეტალურად განხილვის ნერვები. აცადეთ ივახშმოს, დაისვენოს და ლაპარაკი ტელევიზორთან, ან ჭიქა ჩაისთან წამოიწყეთ.

მან უნდა იცოდეს, რომ თქვენ ის გჭირდებათ

შესაძლოა, თქვენ დამოუკიდებელი ქალი ხართ და მას სწორედ ეს მოსწონს თქვენში, მაგრამ ზოგჯერ, უბრალოდ აუცილებელია, რომ საყვარელმა მამაკაცმა იგრძნოს, რომ ის საჭიროა თქვენთვის. ეს მის თვითშეფასების კოეფიციენტს აამაღლებს.

იყავით ფორმაში

არასოდეს დაივიწყოთ, რომ გარეგნობაზე ზრუნვაც აუცილებელია. ყოველთვის აკონტროლეთ წონა და იყავით ფორმაში.

გაიზიარეთ მისი ინტერესები

არ აქვს მნიშვნელობა, ფილმების ყურება უყვარს, სპორტი თუ ავტომობილი – მამაკაცებს მოსწონთ, როდესაც მის ჰობის მიმართ ქალები ინტერესს იჩენენ. შეეცადეთ გააუმჯობესოთ მისი სიამოვნება. ის ამას დააფასებს და ბედნიერი იქნება.

თავად გადაწყვიტეთ რა ჩაიცვათ

რაც უფრო მეტ ტანსაცმელს მოიზომებთ გარეთ გასვლამდე, მით უფრო მოუთმენელი გახდება მამაკაცი. მისთვის სულერთი გახდება, რას ჩაიცვამთ…

შეეცადეთ ყოველთვის კონკრეტულად ისაუბროთ იმაზე, რაც გსურთ

მამაკაცებს არ უყვართ „ნამიოკებით“ ლაპარაკი. ეცადეთ პირდაპირ უთხრათ სათქმელი.

რთულ მომენტებში მის გვერდით იყავით

ცხოვრება მხოლოდ ნათელი პერიოდებისგან არ შედგება. ზოგჯერ რთული დროც დგება. თუ ატყობთ, რომ თქვენს პარტნიორს მძიმე პერიოდი აქვს, გაამხნევეთ, გააკეთეთ ის, რაც მას ყველაზე მეტად უყვარს.

ზოგჯერ აგრძნობინეთ თავი გამარჯვებულად

მამაკაცებს ფაქიზი ეგო აქვთ და ვერ იტანენ, როდესაც მამაკაცურ საქმეებს ქალები უკეთ ართმევენ თავს. ქალმა ზოგჯერ უნდა გამოიჩინოს ეშმაკობა და დაანახოს პარტნიორს, რამდენად ძლიერი და ჭკვიანია ის. ნუ ეცდებით ყოველთვის პირველობისკენ სწრაფვას…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s