ცნობილი ბრენდის ისტორია – თოჯინა ბარბი

In-the-Shadow-of-Barbie-page-3

არ დამავიწყდება ის შეგრძნება და ემოციები, როდესაც პირველად მიყიდეს ბარბი. მანამდე, როდესაც სკოლიდან სახლში ვბრუნდებოდი ხოლმე, თვალებგაფართოებული შევყურებდი „კომერციული მაღაზიის“ ვიტრინას, სადაც ყველა პატარა გოგონას ოცნება ვარდისფერ ყუთში  იყო გამომწყდეული და თავის ახალ მფლობელს ელოდა. ლოდინი კი დიდხანს მოუწია, რადგან საკმაოდ ძვირი ღირდა. ამჯერად, სწორედ მის შესახებ უნდა გიამბოთ.

1959(Headshotwglasses)-1

ქერათმიანი და გრძელფეხება თოჯინის შექმნის ისტორია, ერთსახელიანი სათამაშოს გაჩენიდან იწყება. მას უკვე ყველა იცნობს და ეს არცაა გასაკვირი. ბარბი ხომ სათამაშოების არსებობის ისტორიაში ყველაზე პოპულარული და წარმატებული თოჯინაა?

ბარბი კომპანია Mattel-ის საკუთრებაა, რომელიც პრაქტიკულად, სათამაშოების ყველაზე მსხვილი მწარმოებელია მსოფლიოში. მისი პროდუქცია 150-ზე მეტ ქვეყანაში გადის. მისი შემქმნელი ამერიკელი რუთ ჰენდლერია, რომელმაც მეუღლესთან – ემილტონთან  ერთად, 1945 წელს ფირმა Mattel-ი დააფუძნა. თავდაპირველად, ამ კომპანიის მიზანი სურათის ჩარჩოების დამზადება იყო, მაგრამ მალევე შეცვალა სტრატეგია. ომის შემდგომ წლებში, ხალხი ფულს არ ზოგავდა მრავალფეროვანი სათამაშოების საყიდლად, რათა თავიანთი ბავშვები გაეხარებინათ. იგრძნო თუ არა ცოლ-ქმარმა, რომ ეს შეიძლება მომგებიან საქმედ ექციათ, ჩარჩოებიდან  სათამაშო სახლების დამზადებაზე გადავიდნენ. ამას მოჰყვა მუსიკალური ზარდახშები. მათ კომპანია Disney-სთან ხელშეკრულებაც გააფორმეს, რომლის თანახმად, მულტფილმის – „მიკი მაუსის“ ტრანსლაციის დროს, Mattel-ის რეკლამა უნდა გასულიყო. ამ სვლამ კომპანია წარმოუდგენლად პოპულარული გახადა.

91GBqJzIicL._SL1500_

თოჯინის შექმნის იდეა, თავში პირველად რუთს მოუვიდა, როდესაც შეამჩნია, რომ მისი ქალიშვილი, სახელად ბარბარა, განსაკუთრებული ინტერესით ქაღალდის თოჯინებით თამაშობდა. მათი საშუალებით დიდი ადამიანების იმიტაციას აკეთებდა. რუთმა იფიქრა, რომ გამოეშვა თოჯინა, რომლის საშუალებითაც პატარებს შეეძლებოდათ ეთამაშათ „დიდები“. შთაგონების წყარო კომიქსების პერსონაჟი – ლილი გახდა. ლამაზი ქალი, ვიწრო წელითა და ქერა თმით. ძალიან მოკლე დროში, თოჯინა, რომელსაც ჰენდლერების ქალიშვილის – ბარბარას შემოკლებული სახელი – ბარბი დაარქვეს, საოცრად მოთხოვნადი გახდა. კომპანია ვერ ასწრებდა ახალი პარტიის გამოშვებას. დახლები მომენტალურად ცარიელდებოდა.

71JW3p01rBL._SL1500_ 674_1barbie_fiat_500_wolfsfagen_beatle

საინტერესოა ის, რომ კომპანია ძირითად შემოსავალს ბარბის დამატებითი საქონელისაგან – ტანსაცმლის, აქსესუარებისა და სათამაშო სახლებისაგან იღებდა.

თვითონ თოჯინა, მხოლოდ საცურაო კოსტიუმითა და შავი მაღალქუსლიანი ფეხსაცმლით იყიდებოდა. დანარჩენი ტანსაცმლის ყიდვა ცალ-ცალკე იყო საჭრო.

60-იანი წლების შემდეგ, თოჯინა ბარბისთვის ტანსაცმლის წარმოება, მსოფლიოში ყველაზე ცნობილმა მოდის სახლებმა დაიწყეს. ივ სენ-ლორანი, პიერ კარდენი, ჟან პოლ გოტიე და სხვები. მალე, ტანსაცმლით, სახლებითა და სხვა აქსესუარებით გამდიდრებულ ბარბის კომპანია დასჭირდა. ამიტომ, 1961 წელს, ქვეყანას ბარბის მეგობარი მამაკაცი, სახელად კენი მოევლინა. მისი სახელიც ჰენდლერების ვაჟიშვილის საპატივსაცემოდ იქნა შერჩეული. მოგვიანებით გამოჩნდნენ ბარბის დაქალები, რომელთა შორისაც შავკანიანი კრისტიც გახლდათ.

71JW3p01rBL._SL1500_ 0002708492706_500X500

დროთაგანმავლობაში, ეპოქის ცვლილებასთან ერთად, იცვლებოდა ბარბის ვარცხნილობები, თმის ფერი, მისი ტანის პროპორციები და კოსტიუმები. ბევრნაირი სტილის, სახლების, მანქანებისა და შინაური ცხოველების გამოცვლის შემდეგ, თოჯინა ბარბი როგორც იქნა გინესების წიგნშიც მოხვდა.

კომპანია Mattel-მა ძალიან სწორი მარკეტინგული სტრატეგია შეიმუშავა. ის თანდათანობით აფართოვებდა ბარბის სამყაროს. შემოჰყავდა უფრო და უფრო მეტი პერსონაჟი და განსხვავებული საგნები, რითიც მყიდველს მოდუნების საშუალებას არ აძლევდა.

Barbie10BacktoBasics

ბარბის წყალობით, კომპანია Matters მსოფლიოს 500 უმსხვილესი კომპაიების სიაში მოხვდა.  დღესდღეობით, ერთი კვირის განმავლობაში დაახლოებით მილიონი თოჯინა იყიდება. ახალი ათასწლეულის დასაწყისში, ბარბის თოჯინური სამყარო 72 მეგობრით, 8 ნათესავითა და 43 ცხოველით იქნა შევსებული. რა იქნება შემდეგ? როგორც ჩანს, ბარბის სამყაროს შემქმნელები რეალური ცხოვრების კოპირებას ახდენენ და თოჯინურ სამყაროში გადააქვთ. ჩვენი ცხოვრების მნიშვნელოვანი და ყოველდღიური  მოვლენები კი ახალ იდეებს ბადებენ, რომლებიც თოჯინა ბარბიში პოულობს ასახვას.

1980sBarbieKen barbie_sisters_safari_set_blond_med_elefant-26299630-2359366666- Barbie-Doll-For-Girls Barbie-Wallpapers-Cartoons-Disney

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s